Bu gecə NBA-da maraqlı oyunlar baş tutdu.
Offsideplus.az xəbər verir ki, günün əsas matçlarından birində "Los Angeles Lakers"in "Denver Nuggets"i məğlub edərək rəqibinin doqquz oyunluq qalibiyyət seriyasını dayandırması oldu.
"Lakers" 123 - 100 "Nuggets"
"Los Angeles Lakers", "Denver Nuggets"i 123-100 hesabı ilə məğlub edərək vacib qələbə qazandı. Luka Donçiç 32 xal və 10 ribaundla komandasının lideri oldu, LeBron James isə 25 xal toplayaraq qələbəyə töhfə verdi. "Denver Nuggets"in ulduzu Nikola Yokic 26-cı üçlü dublunu qeydə alsa da, komandasının 20 top itirməsi məğlubiyyətə gətirib çıxardı.
"Warriors" 126 - 102 "Mavericks"
"Golden State Warriors", "Dallas Mavericks"ə qarşı parlaq qələbə qazandı. Stephen Curry 30 xal və 7 asistlə ön plana çıxaraq komandasını irəli apardı. Yeni transfer Jimmy Butler isə "Warriors" formasmında ilk oyunda 18 xal toplayaraq azarkeşləri sevindirdi.
"Celtics" 118 - 105 "Knicks"
"Boston Celtics", "New York Knicks"ə qarşı ardıcıl beşinci qələbəsini qazandı. "Knicks" ötən gecə 3-cü periodda fərqi dörd xala endirsə də, "Celtics" oyunun qalan hissəsində tam nəzarəti əlində saxlayaraq rahat qələbə qazandı.
"Brooklyn Nets" 110 - 108 "Philadelphia 76ers"
"Brooklyn Nets", "Philadelphia 76ers"i son saniyələrdə Nic Claxton-un dəqiq atışı ilə məğlub etdi. Tyrese Maxey "76ers"in heyətində 31 xal toplasa da, komandası qələbə qazanmada çətinlik çəkdi.
"Trail Blazers" 141 - 88 "Hornets"
"Portland Trail Blazers", "Charlotte Hornets"i 141-88 hesabı ilə məğlub edərək klub tarixindən ən fərqli qələbəsini qazandı. Anfernee Simons 25 xalla gecənin ən yaddaqalan performanslarından birini göstərdi.
"Jazz" 125 - 119 "Rockets"
"Utah Jazz", "Houston Rockets"i 125-119 hesabı ilə məğlub etdi. Keyonte George 30 xalla komandasını qələbəyə aparan başçı oyunçu oldu.
"Suns" 121 - 117 "Bulls"
"Phoenix Suns", "Chicago Bulls"u 121-117 hesabı ilə məğlub edərək ardıcıl dörd oyunluq məğlubiyyət seriyasına son qoydu. Devin Booker 29 xal toplayaraq komandasına qələbə qazandırdı.
