"Keşlə"nin futbolçusu Pərdis Fərcad-Azad Offsideplus.az-a müsahibə verib.

- Yaxşı oynadıq. İkinci hissədə daha yaxşı idik. 1:1 hesabı layiqli nəticədir. Hər iki komanda qələbə qazana bilərdi. Qol şansları da çox oldu.

 
- Finalda da bu komanda ilə qarşılaşacaqsınız... Həmin oyunu necə dəyərləndirirsiniz?

- Final bir az başqa cür olacaq. Hər iki komanda o oyuna çox həvəsli çıxacaq. Final matçı hər zaman başqa olur.
 
- Həlledici görüşün "Qəbələ”də olması rəqib üçün üstünlükdürmü?

- Xeyr. Elə fikirləşmirəm. Stadion da böyük deyil. Azarkeş də çox olmayacaq.
 
- Final şanslarınızı necə dəyərləndirirsiniz?

- Şanslar bərabərdir. Hər iki komandanın şansı var. Finalda hər şey ola bilər.
 
- Bu gün "Keşlə” tam gücü ilə çıxış etdi?

- Biz hər zaman öz oyunumuzu oynayırıq. Oyunumuzda heç nə dəyişmir.
 
- Müqaviləniz mövsümün sonu başa çatır. Yeni təklif olubmu?

- O barədə danışmamışıq. Mənə 1-2 klubdan təkliflər var.
 

- Həmin komandalar yerli klublardır, yoxsa?

- Yerli və xarici klublarda təkliflər almışam.
 
- Hansı ölkə olduğunu açıqlaya bilərsiniz?

- Xeyr. Açıqlamaq istəmirəm.
 
- Bu oyundan öncə istirahət etmişdiniz. Deyəsən, bu komandaya yaxşı təsir edib.

- Bəli.
 
- Start heyətdə niyə meydanda deyildiniz?

- Həqiqətən bilmirəm. Mən meydana çıxmağa hazır idim. Bundan əvvəlki oyunda oynamadım. Zədəli idim. 3 gündür məşq edirdim. Bəlkə ona görə, məşqçi bu qərarı verib. Növbəti oyunda da oynamaq istəyirəm.
 
- "Keşlə” yüksəlişdədir. Bunun səbəbini nədə görürsünüz?

- Baş məşqçi komandanın sistemini dəyişib. Komandaya yaxşı oyunçular da gəlib. Fikirləşirəm ki, onun da təsiri var. Maliyyə vəziyyəti də düzəlib.
 
- Yuri Maksimovun qalmasını istəyərsənmi?

- Əlbəttə.