"Formula 1" və "Formula 2" üzrə Azərbaycan Qran-prisində ilk gün yekunlaşıb.

Offsideplus.az xəbər verir ki, "Formula 1"də iki sərbəst yürüşündə "Red Bull"dan Serxio Peres və "Ferrari"dən Şarl Lekler test yürüşlərində ən yaxşı nəticəni göstəriblər. "Formula 2"də sərbəst yürüş və sıralama turunun hər ikisində "Hitech Grand Prix" komandasından Yuri Vips birinci olub.

Qeyd edək ki, Azərbaycan Qran-prisi iyunun 12-də başa çatacaq.

Xatırladaq ki, Azərbaycan Formula 1 yarışlarına altıncı dəfədir ev sahibliyi edir. Avropa Qran-Prisi adlandırılan ilk yarış 2016-cı ildə təşkil olunub.