Çempionlar Liqasının 3-cü təsnifat mərhələsində keçirilən “Qarabağ” – “Ferentsvaroş” matçı 1:1 hesablı heç-heçə ilə başa çatıb.

Offsideplus.az xəbər verir ki, oyundan sonra baş tutan mətbuat konfransında Macarıstan təmsilçisinin baş məşqçisi Stanislav Çerçesov jurnalistlərin suallarını cavablandırıb. 

- “Qarabağ”ın 4 aparıcı futbolçusu meydanda yox idi. Necə düşünürsünüz, bu, növbəti oyunda çoxmu təsir edəcək?
- Bunu həmin görüşdən sonra deyə biləcəm.

- İkinci hissədə komandanız tam müdafiəyə çəkildim. Heç-heçəyə oynayırdınız?
- Axı, rəqib evdə oynayırdı. Üstəlik, azarkeşlər də komandalarını irəli səsləyirdi. Bəli, əks-hücuma oynadıq. Hava şəraiti də sözünü deyirdi. Ərazi üstünlüyünü versək də, oyuna nəzarəti əldən verməmişdik. Onu da qeyd edim ki, fasilədən sonra da fərqlənmək imkanlarımız oldu. Deməli, tamamən arxaya çəkilməmişdik.

- Siz oyundan razı qaldınız, yoxsa nəticədən?
- Var oyun, var nəticə. Bu haqda komandanla danışacam. Elə məqamlar var ki, bunu ictimaiyyətə açıqlamırıq. 

- Ramil Şeydayev vaxtilə Rusiya futbolunun gələcəyi sayılırdı. Onun enişini nə ilə izah edərdiniz?
- Şeydayevi əla tanıyıram. Ancaq rəqib komandanın oyunçusu haqda fikir bildirmək korrektə deyil. Bu suala həmkarım cavab versə daha düzgün olar.

- Mərhələ adlamaq şanslarınızı neçə faizlə qiymətləndirirsiniz?
- 1:1 o deməkdir ki, hər şey təzədən başlayacaq.

- Rusiya mediası və rusiyalı mütəxəssislər azərbaycanlılar üzərində asan qələbə qaÇerzanacağınızı bildirirdi. İlk oyundan sonra hansı fikirdəsiniz?
- Bu suala cavab verməyəcəm. Çünki mən belə fikirlərə rast gəlməmişəm.