“Mançester Yunayted” hücum xəttini gücləndirmək üçün “Volves”un braziliyalı futbolçusu Matheus Cunyanı transfer etmək niyyətindədir.

Offsideplus.az xəbər verir ki, Mançester təmsilçisi 24 yaşlı hücumçu üçün 80 milyon avro təklif edib.

Bu mövsüm Premyer Liqada parlaq çıxışı ilə diqqət çəkən Cunyanın “Volves”la uzunmüddətli müqaviləsi var. Ancaq “Mançester Yunayted” heyətində hücumçu problemi yaşadığı üçün braziliyalını transfer etməyi prioritet hesab edir.

Hazırda “Volves” bu təklifə necə cavab verəcəyi barədə rəsmi açıqlama verməyib. Transfer baş tutarsa, Cunyanın “Mançester Yunayted” hücum xəttində əsas fiqurlardan birinə çevriləcəyi gözlənilir.