Misirin sabiq futbolçusu Mohamed Zidan "Liverpul"un ulduzu Salah barədə fikirlərinin təhrif olunduğunu bildirib.

 Offsideplus.az xəbər verir ki, "Borussiya Dortmund"un sabiq futbolçusu bir müsahibəsində Salahdan daha yaxşı oyunçu olduğunu, ancaq professional olmadığını ifadə etmişdi. 

38 yaşlı oyunçu Misir A/Nahar kanalına açıqlamasında sözlərinin yanlış anlaşıldığını bildirib:

"Salahdan daha yaxşı olduğumu söyləmədim. Klopp mənə eyni əzmkarlığa sahib olsam, daha artığını edə biləcəyimi dedi. Çox daha artığını edə bilərdim. Meydanda daha qərarlı və bütün diqqətimi oyuna vermiş olsaydım, bəlkə də, Salahdan daha artığını edərdim. Keçirdiyim əməliyyatlar mənə çox təsir etdi",

Qeyd edək ki, Zidan 2011 və 2012-ci illərdə "Borussiya" ilə Bundesliqa çempionluğu qazanıb. Misir yığması ilə 2 dəfə Afrika Millətlər Liqasının qalibi olub.