İngiltərə Premyer Liqasında 2020-ci illərin ən pis transferləri açıqlanıb.
Offsideplus.az xəbər verir ki, nüfuzlu idman nəşri "SportBible" tərəfindən dərc olunan və İngiltərə Premyer Liqasında son illərdə reallaşan nəhəng maliyyə xərclərinə baxmayaraq gözləntiləri heç cür doğrultmayan futbolçuların yer aldığı antireytinq tam şəkildə təqdim olunub.
Siyahının ilk pilləsində "Mançester Yunayted"in heyətinə qatdığı braziliyalı cinah oyunçusu Antoni qərarlaşıb.
1. Antoni – "Mançester Yunayted"in böyük məbləğə transfer etdiyi, lakin performansıyla gözləntilərdən çox uzaq qalan braziliyalı cinah oyunçusu.
2. Ceydon Sanço – "Mançester Yunayted"də keçirdiyi dövrdə istənilən səviyyəni göstərə bilməyən digər bahalı transfer.
3. Mixail Mudrik – "Çelsi"nin böyük ümidlərlə heyətinə qatdığı, lakin sabit oyun sərgiləyə bilməyən ukraynalı futbolçu.
4. Romelu Lukaku – "Çelsi"yə qayıdışı böyük səs-küy doğuran, lakin uğursuz macəra ilə yadda qalan hücumçu.
5. Meyson Maunt – "Mançester Yunayted" forması ilə zədələr və səbatsız performans səbəbindən tənqid hədəfi olan yarımmüdafiəçi.
6. Rasmus Hoylund – "Mançester Yunayted"in hücum xəttinə böyük məbləğlə transfer edilən, lakin qol qıtlığı yaşayan gənc forvard.
7. Kalvin Fillips – "Mançester Siti"də və daha sonra icarələrdə əsas heyətə düşməkdə çətinlik çəkən ingilis yarımmüdafiəçi.
8. Uesli Fofana – "Çelsi"də ağır zədələr səbəbindən uzun müddət yaşıl meydanlardan uzaq qalan müdafiəçi.
9. Florian Virts – İngiltərə Premyer Liqasında gözlənilən böyük parlayışı göstərə bilməyən tanınmış oyunçu.
10. Darvin Nunyez – "Liverpul"da qol şanslarını səxavətlə dəyərləndirməməsi ilə tez-tez müzakirə olunan hücumçu
