Barcelona-nın kapitanı Lionel Messi İspaniya La Liqasının 7-ci turunda Athletic-lə heç-heçə (1:1) etdikləri oyundan sonra məğlubiyyətin səbəbləri barədə danışıb.

Offsideplus.az xəbər verir ki, argentinalı superulduz son turlarda qeydə alınan uğursuz nəticələri müdafiədəki səhvlərlə əlaqələndirib:

“Nəticələr narahatlıq doğurmur. Çünki mövsüm uzundur, hələ yeni başlayıb. Ancaq son nəticələrdən narazıyıq və bunu gözləmirdik. Athletic-lə oyunda kifayət qədər qol imkanımız oldu, ancaq dəyərləndirə bilmədik. Müdafiədə daha diqqətli oynamalıyıq. Ötən mövsüm nadir hallarda qol buraxırdıq. İndi isə rəqiblərimiz ilk hücumdaca bizə qol vururlar. Hər oyunda qapımıza top vurmalarına imkan verməməliyik. Ən əsası müdafiədə inamlı oynamaqdır”.

Qeyd edək ki, Barcelona La Liqanın son 3 oyununda cəmi 2 xal toplaya bilib.