Misli Premyer Liqasının 14-cü turunda "Səbail"in qonağı olacaq "Qarabağ" oyuna tam heyətlə çıxa bilməyəcək.

Bunu Offsideplus.az-a Ağdam klubunun sözçüsü Anar Hacıyev dedi:

"Bədavi Hüseynov millinin İsveçə qarşı keçirdiyi son oyunda zədələndiyi üçün 3 həftə oynamayacaq. Julio Romao isə cəzalı olduğuna görə matçda iştirak edə bilməyəcək".

Qeyd edək ki, noyabrın 23-də keçiriləcək "Səbail" - "Qarabağ" qarşılaşması 17:00-da start götürəcək.