​"Barselona"nın gənc ulduzu Lamin Yamal son açıqlamaları ilə gündəm yaradıb.

Offsideplus.az xəbər verir ki, karyerasının erkən dönəmində əldə etdiyi nailiyyətlərdən danışan futbolçu əfsanəvi oyunçularla bağlı fikirlərini bölüşüb.

​Dünya futbolunun tarixi simalarını xatırladan Yamal bildirib: "Lionel Messi, Kriştiano Ronaldo, Dieqo Maradona kimi tarixi oyunçular var... Lakin düşünürəm ki, heç vaxt belə erkən yaşda kimsə bu qədər çox qazanmayıb!"

​Bəzilərinin arxayınlaşacağını düşündüyünü qeyd edən gənc istedad məqsədinin hələ bitmədiyini vurğulayıb: "İnsanların belə bir düşüncəsi var ki, qazandığıma görə bəlkə də nə vaxtsa rahatlaşacağam... Amma mən bilirəm ki, futbol tarixində qalmaq üçün hələ minlərlə işim var."