“Barselona” bazar ertəsi “Jirona”ya 1–2 hesabı ilə məğlub olaraq La Liqada liderliyi itirib və zirvəni “Real Madrid”ə təhvil verib.

Offsideplus.az xəbər verir ki, oyun xüsusilə mübahisəli hakim qərarları və Jul Kunde ilə bağlı epizodla yadda qalıb.

“Barselona”nın narazılığı əsasən “Jirona”nın ikinci qolundan öncə Kundeyə qarşı qayda pozuntusunun verilməməsi ilə bağlı olub. Kataloniya klubu və azarkeşlər həmin epizodun faule görə ləğv edilməli olduğunu düşünür.

Oyun zamanı kameralar Lamin Yamalın Kundeyə ayağa qalxmamağı tövsiyə etdiyini qeydə alıb. Gənc futbolçu bununla hakimin qərarına təsir göstərmək və epizodu VAR-ın diqqətinə çatdırmaq istəyib. Bu, Yamalın meydandakı taktiki düşüncəsini və futbol baxımından yetkinliyini göstərən maraqlı detal kimi dəyərləndirilib.

Bu məğlubiyyət “Barselona”nı çempionluq mübarizəsində çətin vəziyyətə salıb. Hakim qərarları ilə bağlı mübahisələr komandanın psixoloji durumuna təsir edə bilər və mövsümün kritik mərhələsində əlavə təzyiq yaradır.