"Avstraliya Open" turnirində mübarizə sona yaxınlaşır.

Offsideplus.az xəbər verir ki, burada 10 dəfə çempion olan Novak Cokoviç oynamadan 1/4 finala yüksəlib.

Onun rəqibi Yakub Menşik zədəli olduğu üçün 4-cü tur görüşünə çıxa bilməyib. Beləliklə, serbiyalı tennisçi korta belə çıxmadan adını son səkkizə yazdırıb.

Serbiyalının bu mərhələdəki rəqibi Lorentso Muzetti olacaq. Muzetti 4-cü turda Teylor Fritsi set vermədən məğlub edib - 6:2, 7:5, 6:4.

Yannik Sinner də çətinlik çəkmədən 1/4 finala vəsiqə əldə edib. İtaliyalı tennisçi həmyerlisi Luçano Darderi məğlubiyyətə uğradıb - 6:1, 6:3. 7:6 (2).

Sinner növbəti mərhələdə Kasper Ruud - Ben Şelton cütünün qalibi ilə qarşılaşacaq.

Qadınlar mübarizəsində də bütün 1/4 final cütləri məlum olub:

Koko Qauff - Elina Svitolina

Arina Sabalenka - İva Yoviç

İqa Şvyontek - Yelena Rıbakina

Cessika Pequla - Amanda Anisimova