"Şaxtyor"un hücumçusu Junior Moraes Ukrayna millisinə dəvət alıb.

Offsideplus.az-ın yerli federasiyanın rəsmi saytına istinadən yaydığı xəbərə görə, braziliyalı futbolçu bu gündən yığmanın düşərgəsinə qoşulub. O, axşam saatlarında millidə ilk məşqinə çıxacaq.

Qeyd edək ki, 32 yaşlı forvard dünən Ukrayna vətəndaşlığı alıb. O, hazırda 16 qolla Premyer Liqanın bombardiridir.