Portuqaliya yığmasının ulduz hücumçusu Kriştiano Ronaldo DÇ-2022-nin 1/8 final mərhələsində İsveçrə ilə oyundan (6:1) sonra ehtiyat oyunçularla məşq etməkdən imtina edib.

Offsideplus.az xəbər verir ki, Portuqaliya seçməsinin baş məşqçisi Fernandu Santuş ehtiyat oyunçular üçün məşq təşkil edib. Görüşdə iştirak edən futbolçular isə zalda məşq ediblər. Ronaldo ehtiyat oyunçular arasında olmayıb, əsas oyunçularla qalıb. Futbolçunun heç bir diskomfort yaşamadığı və mükəmməl fiziki vəziyyətdə olduğu qeyd edilir.

Qeyd edək ki, Portuqaliya millisi DÇ-2022-nin 1/4 finalında Mərakeş yığması ilə qarşılaşacaq. Dekabrın 10-u keçiriləcək görüş Bakı vaxtı ilə saat 19:00-da başlayacaq.