Türkiyənin 24 illik Dünya Kuboku həsrətinə son qoymaq üçün play-off finalı öncəsi böyük bir motivasiya həmləsi gəlib.
Offsideplus.az xəbər verir ki, "Safi Holding"in rəhbəri Hakan Safi, "Bizim uşaqlar" üçün rekord məbləğdə mükafat vəd edib.
Kosovo tərəfinin Türkiyəni məğlub edib finala yüksələcəkləri təqdirdə komandaya 1 milyon avro mükafat veriləcəyini açıqlamasından sonra, iş adamı Hakan Safi hərəkətə keçib:Türkiyə Dünya Kubokuna vəsiqə qazanarsa, 1.000.000 avro mükafat veriləcək.
Bu məbləğ TFF-nin (Türkiyə Futbol Federasiyası) rəsmi primindən tamamilə müstəqil və əlavə olaraq ödəniləcək.
Məqsəd futbolçuların motivasiyasını ən yüksək səviyyəyə çatdırmaq və 24 illik həsrətə son qoymaq.
Dünya Kuboku yolunda sonuncu və ən vacib maneə olan play-off finalı üçün geri sayım başlayıb:
Oyun Günü: 31 Mart 2026, Çərşənbə axşamı
Məkan: Fadil Vokrri Stadionu, Kosovo
Status: Qalib gələn tərəf birbaşa 2026 FIFA Dünya Kubokuna vəsiqə qazanacaq.
Hakan Safi artıq komanda ilə bir yerdədir və Rumıniya üzərində qazanılan qələbədən sonra paltardəyişmə otağında futbolçulara bu dəstəyin tam olduğunu bəyan edib.
