PFL-in prezident Ramin Musayev ölkə çempionatının  22-ci turunda keçirilən "Şamaxı" - "Neftçi" (1:2) oyunundan sonra jurnalistlərin suallarını cavablandırdı...

- Oyunla bağlı fikirlərinizi eşitmək maraqlı olardı...

- Əla oyun keçdi.Bu oyun bölgə üçün böyük ərmağandır. İnsanların üzündəki sevinc nəyə desən dəyərdi. Fikrimcə, "Şamaxı" pis oynamadı.

- Bölgələrdə klubların sayının artırılması prosesi davam edəcək?
- Əlbəttə! İşğaldan azad olunmuş şəhər və rayonlarda yeni klubların yaradılması nəzərdə tutulur. Artıq bu istiqamətdə işlər görülür. İnşallah, o yerlərin hamısında klub olacaq, stadion tikiləcək. Bütün rayonlarda bu işlər görüləcək.

- Bu proses nə vaxta kimi davam edəcək?
- Maliyyədən asılıdı. Bütün rayonlarda klubların olmasını istəyirik.

- Növbəti mövsüm "Şamaxı" doğma meydana tam köçəcək?
- Bunu daha yaxşı klub rəhbərliyi bilər.

- "Misli" ilə sponsorluq müqaviləsinin bağlanılması haqda nə yenilik var?
- Bu məsələ haqda Elxan Məmmədov daha yaxşı bilir.

- Bu qədər azarkeşin gələcəyini gözləyirdiz?

- Bəli, gözləyirdim. Tək Şamaxıda yox, bütün bölgələrdə azarkeşlərin marağı böyükdür. "Turan Tovuz" 1-ci diviziobda oynasa da, fanatların dətəyi çox olur.

Daşqın Əziz, Şamaxı