"Reyncers"in baş məşqçisi Stiven Cerrard bir müddət öncə "Everton"u çalışdıracağına dair yayılan xəbərlərə reaksiya verib.

Offsideplus.az ESPN-ə istinadla xəbər verir ki, Cerrard məsələ ilə bağlı açıqlama verib: "Adımın "Everton"la yanaşı hallandığını oxuyanda şoka düşdüm. Bilmirəm hardan eşidirlər, amma mən bu klubu çalışdıra bilmərəm. Beniteslə mənim durumum fərqlidir. O bu şəhərdə doğulmayıb və bütün karyerasını "Liverpul"a bağlamayıb. Bir də ki, o hər açıqlamasında Premyer Liqaya qayıtmaq istədiyini deyirdi". 

Qeyd edək ki, "Everton"la "Liverpul" eyniadlı şəhəri təmsil edir və əzəli rəqib hesab olunurlar. Ona görə də Cerrardın "Everton"a münasibəti birmənalı deyil.