Stefen Karrinin "Qolden Steyt Uorriors"la imzaladığı yeni iki illik, 116 milyon dollarlıq müqavilə uzadılması ulduz oyunçunun 2028/29 mövsümünün sonuna qədər klubda qalmasını təmin edir.

Offsideplus.az xəbər verir ki, bu qərar komandanın Karrinin karyerasının son illərində onun ətrafında yeni heyət qurmasına imkan verir.

The Athletic nəşrinin məlumatına görə, Cimmi Batler və Dreymond Qrin də karyeralarını məhz "Qolden Steyt Uorriors"da başa vurmaq istədiklərini bildiriblər.

Lakin hər iki təcrübəli basketbolçunun heyətdə saxlanılması üçün onların maaşlarının xeyli azaldılması tələb oluna bilər. Hazırda zədədən bərpa olunan Batler müqaviləsinin son ilinə daxil olur və bu mövsüm üçün 56,8 milyon dollar alacaq.

Qrin isə yayda oyunçu opsiyasından imtina edərək "Qolden Steyt"ə daha çox maliyyə imkanları yaratmaq istədi. LeBron Ceymsin transferi baş tutmadıqdan sonra Qrin bir illik, 27,7 milyon dollarlıq yeni müqavilə ilə komandaya qayıtdı.