Amerikalı müğənni Megan Thee Stallion NBA ulduzu Kley Tompsonla 9 ay davam edən münasibətləri barədə emosional açıqlama verib.

Offsideplus.az xəbər verir ki, Megan Thee Stallion bu münasibətlərin onu psixoloji cəhətdən çox yorduğunu bildirib: "Özümü elə hiss edirdim ki, guya məni paltaryuyan maşına, qurutma maşınına, konserv bankalarına, kürəklərə və kaktusa atıblar. Bu, çox ağır idi. Necə desəm, daha yumşaq olar? Qismətinizdə olan hər zaman işləyəcək. Əgər nəsə sizi daim narahat edir, gərgin saxlayırsa, deməli, sizə aid deyil. Allah həmişə sizə uyğun olmayan bir şeyi hiss etdirir. Mən isə uyğun gəlməyən hissələri birləşdirməyə, özümü başqasının həyatına sığışdırmağa çalışırdım və bir az özümü itirmişdim. İndi isə yenidən özümü tapıram. Mənə hörmətsizlik etmək olmaz. Heç vaxt bir kişinin arxasında dayanmayacağam. Mənim bərabər tərəfdaşım olmalıdır. Həmişə partnyorumla bərabər olacağam. Heç vaxt ikinci planda olmayacağam, məni buna vadar edən heç nə yoxdur. Kişi mənə hörmət etməlidir və minnətdar olmalıdır. Bu qədər".

Megan Thee Stallion münasibətlərində bərabərliyə və qarşılıqlı hörmətə önəm verdiyini vurğulayıb.