Yüngül çəkidə Mütləq Döyüş Çempionatının (UFC) qalibi Həbib Nurməhəmmədovla müvəqqəti çempion Castin Geyci arasında keçiriləcək görüşün tarixi açıqlanıb.

Offsideplus.az xəbər verir ki, UFC prezidenti Deyna Uayt  bildirib ki, oktyabrın 24-də keçirilməsi planlaşdırılan qarşılaşma, böyük ehtimalla, Birləşmiş Ərəb Əmirliklərinin paytaxtı Abu Dabidə UFC 254 turniri zamanı gerçəkləşəcək. 

Daha əvvəl döyüşün sentyabrın 19-da UFC 253 turniri zamanı təşkili nəzərdə tutulsa da, Həbib Nurməhəmmədovun atası Abdulmanap Nurməhəmmədovun ölümü ilə əlaqədar təxirə salınıb.

Qeyd edək ki, UFC-nin prezidenti Deyna Uayt Həbib Nurməhəmmədovun karyerasının son döyüşünü kanadalı Jorj Sen-Pyerə qarşı keçirə biləcəyini də bildirib.