Mütləq Döyüş Çempionatının (UFC) yüngül çəkidə rusiyalı kəmər sahibi Həbib Nurmaqomedov ABŞ təmsilçisi Castin Geyci ilə döyüşməyəcək.

Offsideplus.az xəbər verir ki, idmançının meneceri Rizvan Maqomedov TASS-a açıqlamasında Nurmaqemodovun UFC 253 çempionatına qatılmayacağını bildirib.

Abu-Dabidəki turnirdə hər iki döyüşçü arasında görüş keçiriləcəyi planlaşdırılırdı.

İyulun 3-də Həbib Nurməhəmmədovun atası və məşqçisi Abdulmanap Nurmaqomedov dünyasını dəyişib.

Bir müddət əvvəl UFC prezidenti Dana Uayt Həbib Nurmaqomedov daha tez Oktagona qayıda biləcəyini açıqlamışdı.

Qeyd edək ki, Castin Geyci yüngül çəkidə müvəqqəti çempionluq titulunun sahibidir. 31 yaşlı idmançı keçirdiyi görüşlər ərzində 22 qələbə qazanıb, 2 dəfə uduzub. Nurmaqemodov isə 28 qarşılaşmanın heç birində uduzmayıb.