“Məşqlərimiz yaxşı keçir. Əhval-ruhiyyəmiz də yaxşıdır. Çalışırıq ki, baş məşqçinin dediklərini məşqdə yerinə yetirək.

Offsideplus.az xəbər verir ki, bu sözləri futzal üzrə yığmamızın qolkiperi Rövşən Hüseynli Ukrayna ilə yoldaşlıq matçından əvvəl açıq məşq zamanı təşkil olunan brifinqdə deyib

Təcrübəli qapıçı gələn ilin əvvəlində Avropa çempionatının final mərhələsində 6-cı dəfə çıxış edəcəklərini yada salıb: Rəqiblərimizdən Gürcüstan millisi debütantdır. Ancaq onların zəif olduğunu heç kim düşünməsin. Ümumiyyətlə final mərhələsində iştirak edəcək 16 komanda arasında asanlıqla məğlub ediləcək komanda yoxdur. Sadəcə, bizim təcrübəmiz onlardan daha çoxdur. Bosniya və Herseqovinaya gəldikdə, onlara qarşı bir dəfə - 4-5 il əvvəl oynamışıq. Həmin görüş Bakıda keçirilib və qələbə qazanmışdıq. Ancaq oyun kifayət qədər çətin keçmişdi. İspaniya millisinin gücü isə hər kəsə məlumdur. Lakin biz meydana gəzmək üçün çıxmayacağıq. Ümumiyyətlə, onlara qarşı hər zaman daha yaxşı konsantrasiya olmuşuq. Çalışacağıq bu dəfə meydandan xalla ayrılaq.

30 yaşlı əlcək sahibi Çempionlar Liqasında Ukrayna klubuna qarşı görüşüdə xatırlayıb: 2 ay əvvəl onların çempionuna qarşı oynadıq. Oyun üslubu demək olar, eynidir. Həmin klubun 3 üzvü də millidə iştirak edəcək. Oyun əhəmiyyətlidir. Avropa çempionatının final mərhələsinin marafonu bizim üçün bu görüşlə başlayacaq.

Hüseynəli yolsaşlıq olmasınıa baxmayaraq, qələbənin motivasiya verəcəyini bildirib.Hər bir oyunun təyinatı var. Yoldaşlıq oyunu olmasından asılı olmayaraq qələbə əlavə stimul verir. Ukrayna ilə matçda da hesab önəmli olacaq, qələbə bizə reytinq xalları qazandıracaq. Amma tapşırıqları baş məşqçi verir. Çox güman, final mərhələsinin oyunlarında istifadə edəcəyimiz taktiki gedişləri, “ev tapşırıq”larını bu görüşlərdə sınayacağıq”.