Premyer Liqanın 6-cı turunda "Mançester Yunayted" "Tottenhem"ə 0:3 hesabı ilə məğlub olub.

Offsideplus.az xəbər verir ki, "qırmızı şeytanlar"ın keçmiş müdafiəçisi və hazırkı futbol eksperti Qari Nevill komandanın baş məşqçisi Erik ten Haqın fəaliyyəti barədə fikirlərini bildirib. 

"Belə oyun və nəticə dərhal dəyişdirilməlidir. Komanda sanki yamacdan aşağı yuvarlanan qartopuna çevrilir və bu proses getdikcə sürətlənir. Erik ten Haq bunu dərhal dayandırmalıdır. Bu, çox ağır və ayıldıcı bir məğlubiyyət idi", - Britaniyanın "Mirror" nəşri Nevilldən sitat gətirib.