"Çelsi" klubunun futbolçusu Emerson Palmieri komandasının uğurlu çıxışından danışıb.

Offsideplus.az xəbər verir ki, 26 yaşlı sol cinah müdafiəçisi "zadəganlar"ın bu tempdə davam edəcəyi təqdirdə yüksək nəticələr əldə edə biləcəyini qeyd edib:

"Mövsümün həlledici mərhələsindəyik artıq. Çempionlar Liqası və İngiltərə kuboku uğrunda mübarizə aparırıq, eyni zamanda ilk dördlükdə qərarlaşmaq istəyirik. Bütün bunlar hamısı çətin tapşırıqlardır, ancaq bu tempdə davam etsək yüksək nəticələr əldə edə bilərik".

Qeyd edək ki, 2018-ci ildən "Çelsi"də çıxış edən italiyalı futbolçu son olaraq Çempionlar Liqasının 1/8 final mərhələsinin cavab oyununda Madrid "Atletiko"sunun qapısına vurulan 2-ci qolun müəllifi olub.