Azərbaycanın 17 yaşadək qızlardan ibarət futbol yığması bu gün tarixində ən gözəl günlərdən birini yaşayıb.

Offsideplus.az xəbər verir ki, Nərgiz Qurbanovanın yetirmələri Avropa çempionatının ikinci seçmə mərhələsinin B Liqasının 2-ci qrupunda Bolqarıstanı 3:2 hesabı ilə məğlub edib.

Rəqibin güclü olması və qələbə topunun son saniyələrdə vurulması futbolçularımızın emosiyalarını bir qədər də artırıb. Onlar qələbəni çılğınlıqla qeyd ediblər.

AFFA-nın rəsmi saytında oyunla bağlı fotosessiya yerləşdirilib.