Goal.com La Liqada çıxış etmiş ən titullu afrikalı futbolçuların siyahısını dərc edib. 

Offsideplus.az xəbər verir ki, həmkarlarımız İspaniya çempionatında oynamış 5 futbolçunu fərqləndirib.

Maraqlıdı ki, onlar arasında hazırda "Səbail"in formasın geyinən Maykl Essyen də var. Qanalı yarımmüdafiəçinin 2012-13 mövsümündə "Real"da icarə əsasında çıxış etməsi bu siyahıya düşməsi üçün kifayət edib. "Kral klubu" həmin vaxt onu "Çelsi"dən icarəyə götürmüşdü.

Essyenlə yanaşı, Ceremi, Tomas Nkono, Yaya Ture və Samuel Eto da La Liqada top qovmuş ən məşhur afrikalılardı.

Qeyd edək ki, Maykl Essyenin "Səbail"lə müqavilə müddəti mövsümün sonuna qədərdi.