PSJ nəhəng transferlərlə adından söz etdirməyə davam edir.

Offsideplus.az klubun rəsmi saytına istinadən xəbər verir ki, Paris təmsilçisi İtaliya millisinin üzvü Canluici Donnarummanı heyətinə qatıb. 22 yaşlı qolkiper azad agent olaraq PSJ-yə keçib. O, 2026-cı ilin iyununa qədər "Paris Sen-Jermen"in formasını geyinəcək.

Qeyd edək ki, Donnarumma AVRO-2020-nin ən yaxşı oyunçusu seçilib. Onun 2015-ci ildə peşəkar karyerasına start verdiyi "Milan"la müqaviləsi bu yay başa çatıb.