PSJ klubu italiyalı ulduzu transfer etmək istəyir.

Offsideplus.az Qol.az-a istinadən xəbər verir ki, söhbət “Milan”ın qapıçısı Canluici Donnarummadan gedir.

Hazırkı qapıçılar Kevin Trapp və Alfonsu Areolyadan narazı olan Paris klubu qapı xəttini 18 yaşlı qolkiperlə gücləndirmək istəyir.

PSJ-nin tezliklə Donnarummanın agenti Mina Rayola ilə danışıqlara başlayacağı bildirilir.

Rayolanın “Milan”ın Donnarumma üçün etdiyi yeni təklifdən razı qalmadığı qeyd olunub.

Qeyd edək ki, Donnaummanın 2012-ci ilə qədər “Milan”la müqaviləsi var. Onun sərbəst qalma dəyəri 40 milyon avro göstərilir.