"Real"ın sabiq kapitanı Naço Fernandes ulduz futbolçu Kilian Mbappenin Madrid klubundakı çıxışı barədə fikirlərini bölüşüb.

Offsideplus.az xəbər verir ki, bu barədə "Sky Sports" məlumat yayıb. "Əl-Kadisiyə"nin müdafiəçisi bunları söyləyib:

"Mbappe dünyanın ən yaxşı futbolçularından biridir. Məsələ burasındadır ki, uyğunlaşana qədər onun üçün çətin olacaq. O, "Real"da əla oyunçu olmaq üçün xasiyyətə və gücə malikdir".

Qeyd edək ki, cari mövsümdə Mbappe "Kral klubu"nun heyətində bütün yarışlar daxil 16 oyuna çıxıb. O, 8 qol və 2 məhsuldar ötürmə ilə yadda qalıb.