İspaniyanın “Qranada” klubu heyətini yeni futbolçu ilə gücləndirib.

Offsideplus.az klubun rəsmi saytına istinadla xəbər verir ki, La Liqa təmsilçisi İngiltərənin “Uotford” klubunda çıxış edən Dmitri Fulkyeni heyətinə qatıb.
26 yaşlı fransalı futbolçu mövsümün sonunadək icarəyə götürülüb.
2017-ci ildən “Uotford”da  çıxış edən oyunçu İngiltərə təmsilçisinə məhz “Qranada”dan transfer olunub. O, 2013-2017-ci illər aralığında məhz İspaniya klubunda forma geyinib.