Klublararası dünya çempionatının keçirilməsinə cavabdehlik daşıyan yeni qurum təsis edilib.

Offsideplus.az xəbər verir ki, təşkilatın prezidenti Florentino Peres seçilib. Bu barədə “Real” klubunun rəsmi saytı məlumat yayıb. 72 yaşlı funksioner yeni yaradılan quruma rəhbərlik edəcək.

FİFA-nın baş qərargahında görüşən “Real”, “Milan”, “Boka Xuniors”, “River Pleyt”, “Amerika”, “Oklenda”, “Quançjou Everqrand” və “Mazembe” klublarının nümayəndələri belə bir təşkilatın yaradılmasına qərar verib və “Real”ın prezidenti Florentino Peresi təşkilata rəhbər seçiblər.