"Neftçi" klubunun UEFA Konfrans Liqasının 2-ci təsnifat mərhələsindəki potensial rəqibi məlum olub.

Offsideplus.az xəbər verir ki, "ağ-qaralar" Çempionlar Liqasının 1-ci təsnifat mərhələsində Tbilisi "Dinamo"suna uduzsa, mübarizəni Konfrans Liqasında davam etdirəcək və 2-ci təsnifat mərhələsində İsrailin  "Makkabi" klubu ilə qarşılaşacaq.

Bu, Hayfa təmsilçisinin ÇL-in 1-ci təsnifat mərhələsində iki oyunun (1:1, 0:2) nəticəsinə əsasən Qazaxıstanın "Kayrat"ına uduzmasından sonra dəqiqləşib.

Qeyd edək ki, bu gün keçiriləcək "Neftçi" - "Dinamo" matçı saat 21:00-da başlanacaq. Bu komandalar arasında ilk görüşdə Azərbaycan klubu 2:1 hesabı ilə qalib gəlib.