Azərbaycanın futbol üzrə milli komandasının qapıçısı Şahruddin Məhəmmədəliyev DÇ-2026-nın seçmə mərhələsində inamlı oyunu ilə fərqlənən futbolçular arasında yer alıb.

Offsideplus.az xəbər verir ki, bu barədə UEFA-nın statistik məlumatlarında qeyd olunub.

31 yaşlı qolkiper seçmə mərhələdə D qrupunda baş tutan 4 matçın hamısında meydana çıxıb və ümumən 19 dəfə komandasını qoldan xilas edib.

Məhəmmədəliyev Şimali Makedoniya komandasının oyunçusu Stole Dimitriyevski ilə 82 qapıçı arasında 11-12-ci yeri bölüşdürür. 

Siyahının ilk pilləsində isə 34 seyvlə San-Marino millisindən Edoardo Kolombo qərarlaşıb.

Qeyd edək ki, yığmamız DÇ-2026–nın 4 seçmə maçında 11 qol buraxıb və 2 qol vurub.