Azərbaycan millisinin də iştirak etdiyi Bosniya və Herseqovinanın paytaxtı Sarayevoda gənc və yeniyetmə taekvondoçular arasında Multi Avropa Oyunları başa çatıb. 

Offsideplus.az xəbər verir ki, taekvondoçularımız Multi Avropa Oyunlarında daha 3 medal qazanıb

Yarışın ikinci günü dayanq üzərinə yeniyetmə idmançılar çıxıblar. Rəşad Məmmədovun rəhbərlik etdiyi Azərbaycan yığması yarışda 2 qızıl və 1 gümüş medal qazanıb. Bütün rəqiblərinə qalib gələn İlyas Hətəmli (160 sm) və Şəms Əlizadə (160 sm) çempion tituluna yiyələnib. Yalnız finalda komanda yoldaşına məğlub olan Novruz Əliyev gümüş medala layiq görülüb.

Azərbaycan yeniyetmələrin yarışında ümumi hesabda oğlanlar arasında ikinci, qızların mübarizəsində üçüncü olub.

Beləliklə, milli komanda Multi Avropa Oyunlarını 6 medalla bitirib. Yarışın ilk günü Məmməd Abdullayevin rəhbərliyi etdiyi yığmanın heyətində Məhəmməd Həsənli (48 kq) ikinci, Hüseyn Xudiyev (78 kq) və Ruslan Həsənzadə (+78 kq) isə üçüncü yeri tutublar.