Bu gün Rusiyanın Kazan şəhərində taekvondo üzrə Avropa çempionatına start verilib.

Offsideplus.az xəbər verir ki, Azərbaycan millisi yarışın ilk gününü medalla başa vurub.

Belə ki, 49 kq çəki dərəcəsində mübarizə aparan Patimat Abakarova bolqarıstanlı Nikol Çorbanovanı və rusiyalı Svetlana İqumenovanı məğlub edərək, yarımfinala vəsiqə qazanıb. Lakin Olimpiya mükafatçımız bu uğurunu davam etdirə bilməyib. O, finala gedən yolda Kristina Tomiçə (Xorvatiya) məğlub olaraq, bürünc medalla kifayətlənib.