Xəbər verdiyimiz kimi, "Qəbələ"nin futbolçusu Ürfan Abbasov əməliyyat olunub.

 29 yaşlı müdafiəçinin son durumunu öyrənmək üçün "qırmızı-qaralar"ın mətbuat katibi Anar Hacıyevlə əlaqə saxladıq.

Klub rəsmisi Offsideplus.az-a açıqlamasında bunları dedi: "Ürfanın əməliyyatı yaxşı keçdi, amma yaşıl meydanlara 5-6 aya qayıdacaq. Çünki çarpaz bağlarında problem var idi və hazırlığı uzun çəkəcək".

Qeyd edək ki, "Qəbələ" yeni mövsümdən Azərbaycanı Konfrans Liqasında təmsil edəcək.

Cavid Əliyev