UEFA prezidenti Aleksander Çeferin Avropa Super Liqasından rəsmən imtina etməyən klubları cəzalandırmaq istəyir.

Offsideplus.az xəbər verir ki, 53 yaşlı funksioner "Real Madrid", "Barselona" və "Yuventus" klublarına qarşı ciddi tədbir görəcək. Çeferin Çempionlar Liqasının final oyunundan sonra yekun qərarını verəcək. 

Qeyd edək ki, "Mançester Yunayted", "Mançester Siti", "Liverpul", "Arsenal", "Çelsi", "Tottenhem", "Atletiko", "Milan" və "İnter" klubları Avropa Super Liqasından çıxdığını rəsmən açıqlamış, "Yuventus", "Real" və "Barselona" isə layihənin müvəqqəti dondurulduğunu bildirmişdi.