Azərbaycan Gənclər və İdman Nazirliyi və Milli Olimpiya Komitəsinin birgə Bəyanat yayıblar.

Offsideplus. az xəbər verir ki, bəyanatda Tokio Olimpiadasının 2021-ci ilə keçirilməsi ilə bağlı təşkil olunacaq tədbirlər planı açıqlanıb.

Bildirilir ki, Yaponiyanın Baş naziri Sindzo Abe Beynəlxalq Olimpiya Komitəsinin prezidenti Tomas Baxa koronavirus (Covid - 19) pandemiyasının yarada biləcəyi təhlükə ilə bağlı Tokio-2020 Yay Olimpiya Oyunlarının 2021-ci ilə keçirilməsi barədə təklif irəli sürüb və qarşı tərəfdən müsbət cavab alıb:

“Azərbaycan müstəqilliyi dövründə Olimpiya Oyunlarında daim fəal iştirak edən və nəticə etibarı ilə ön sıralarda yer almış ölkələrdəndir. İdmançılarımızın oyunlara hazırlığı mühüm əhəmiyyət kəsb edərək, daim xüsusi proqram əsasında aparılıb.

Yuxarıda qeyd olunanları nəzərə alaraq, Oyunların 2021-ci ildə (ay dəqiq deyil) keçirilməsi ilə bağlı aşağıdakı tədbirlər həyata keçiriləcək:

- Oyunların başlanmasına qalan 1 il ərzində hazırlığın öncədən işlənilmiş sistem əsasında aparılması;

- 2020-ci ildə hazırlığın ən yüksək pilləsinə çatmış idmançıların 2021-ci ilə kimi formada qalmaları üçün nəzarət proqramının sistemli şəkildə davam etdirilməsi;

- Federasiyalar tərəfindən ehtiyatda olan idmançıların siyahısının hazırlanması;

- Gənc və perspektivli idmançılarla işin gücləndirilməsi;

- Karantin müddətinin davam etdiyi zamanda idmançıların səhhəti öncədən yoxlanılıb testdən keçirildiyindən sonra xüsusi şəraitdə, nəzarət altında təlim məşq toplantılarının davam etdirilməsi".