Qazaxıstanın vesti.kz saytı qış transfer dönəmində ölkəni tərk edən ən yaxşı 10 futbolçunun siyahısını dərc edib.
Offsideplus.az xəbər verir ki, "TOP-10"da "Qarabağ"a qayıdan Riçard Almeyda və Reynaldo da yer alıb.
Həmkarlarımız "Aktobe"dən Ağdam təmsilçisinə transfer olan Reynaldo haqda bunları yazıb: "Reynaldo yaxşı futbolçudur. Onun komandaya şübhəsiz faydası var idi. 30 oyunda 7 qol vurdu, 3 qolun ötürməsini verdi. Ancaq klub onun "Qarabağ"a qayıtmaq istəyinə mane olmadı. O,2013-2017-ci illərdə də bu klubda çıxış edirdi. Futbolçuya yaxın mənbənin məlumatına görə,Reynaldo "Qarabağ"la "Aktobe"dəkindən az maaşa razılaşıb. Onun Azərbaycanda təkrar oynamaq istəməyi maliyyə məsələsindən üstün olub".
Yazıda Almeydanın isə özünü "Astana"da getdikcə yaxşı tərəfdən göstərməyə başladığı vurğulanıb: "Ancaq "Astana" ona görə komanda deyildi. O, daha çox kombinasiyalı futbolu sevir. Bu mənada "Kayrat" və ya "Aktobe"yə daha uyğun gələrdi. Nəticədə Almeyda "Qarabağ"a icarəyə verildi".(qol.az)
