İngiltərə yığmasının müdafiəçisi Harri Maquayr UEFA Millətlər Liqasının 6-cı turunun Almaniya ilə oyunundakı (3:3) səhvlərinə görə millinin azarkeşlərindən üzr istəyib.

Offsideplus.az xəbər verir ki, “Mançester Yunayted”in futbolçusu komandasının buraxdığı ilk iki qolda səhvə yol verib. Sonra ingilislər ardıcıl üç qol vurublar. Oyun isə 3:3 hesablı bərabərliklə başa çatıb.

Maquayr sosial şəbəkə hesabında yazıb:“Səhvlər oyunun bir hissəsidir, üzr istəyirəm. Böyük güc və ruh bizə yenidən oyuna qayıtmağa imkan verdi. Gəlin müsbət cəhətləri götürək və Qətərdə keçiriləcək dünya çempionatını səbirsizliklə gözləyək. Çətin dövrlər bizi daha güclü edəcək”.