Sabah Azərbaycan Premyer Liqasında 17-ci turun görüşləri keçirilməlidir.
Offsideplus.az xəbər verir ki, qarlı hava səbəbindən matçların baş tutub-tutmayacağı hələlik sual altındadır.
Hazırda paytaxtdakı arenalarla yanaşı, Qəbələ şəhər stadionunda meydançanın qardan təmizlənməsi üçün gərgin işlər gedir.
Peşəkar Futbol Liqasının (PFL) Texniki İdman Şöbəsinin rəisi Elgiz Abbasov stadionların son durumu barədə məlumat verərək, arenaların şəkillərini paylaşıb.
Qeyd edək ki, tur çərçivəsində nəzərdə tutulan 4 görüşün hamısı sabah keçirilməlidir.
Fotoları sizə təqdim edirik:
