Ölkə çempionatının 9-cu turundan təxirə salınmış "Naxçıvan" - "Abşeron" oyunu başa çatıb.

Offsideplus.az xəbər verir ki, Bakı İdman sarayında baş tutan matç “Naxçıvan”ın qələbəsi ilə nəticələnib – 102:82. Bu qələbə ilə “Naxçıvan” komandası A qrupunda liderliyə yüksəlib.

Qeyd edək ki, 9-cu turun təxirə salınmış digər 2 oyunu sabah keçiriləcək. “Gəncə” komandası Şəki səfərinə, “Quba” komandası isə Sumqayıt səfərinə yollanacaq.