Bu gün gecə Çempionlar Liqasının 1/8 final mərhələsinin cavab oyunları çərçivəsində "Liverpul"la "Leyptsiq" münasibətlərinə aydınlıq gətirəcək. 

Offsideplus.az xəbər verir ki, vacib qarşılaşmadan əvvəl İngiltərə təmsilçisinin baş məşqçisi görüşlə bağlı fikirlərini bildirib. Yurgen Klopp UEFA-nın rəsmi saytına açıqlamasında bunları deyib: "5 min dəfə demişəm, yenə təkrarlayıram, azarkeşsiz futbolun ləzzəti yoxdur. Bu gün "Liverpul"a sevimli avarkeşləri çatmır. "Enfild"də olan atmosferi dünyanın tək-tük stadionlarında görə bilərdiniz. Bunu deməklə uğursuz nəticələrə bəraət qazandırmaq istəmirəm.

Bəli, Çempionlar Liqasını qazana bilərik. Bunun üçün iki səbəb var: birincisi, komandamızın səviyyəsi, ikincisi, futbolun gözəlliyi, qeyri-adiliyi. Uğur qazanmaq üçün şans həmişə var. "Leyptsiq"lə bir hissəni oynamışıq, ikinci hissə qalıb. Bacarığımıza şübhəm yoxdur. Sona qədər mübarizə aparacağıq".

Qeyd edək ki, ilk matçda "Liverpul" almanlar üzərində 2:0 hesablı qələbə qazanmışdı.