Çempionlar Liqasının 1/8 final mərhələsinin cavab oyununda “Barselona”nın qonağı olacaq “Çelsi”nin yarımmüdafiəçisi Sesk Fabreqas matçla bağlı fikirlərini bildirib.

Offsideplus.az xəbər verir ki, 30 yaşlı futbolçu “Mundo Deportivo”ya açıqlamasında “Barsa”nı keçə biləcəklərini deyib:

“Çelsi” “Barselona”nı keçə bilər. Çoxunu təəccübləndirməliyik, ancaq biz buna hazırıq. “Nou Kamp”da qol vursam, bunu qeyd edib-etməyəcəyimi bilmirəm. Bu, həmin anda insanın özündən asılı olmur. Ancaq bunu etmək istəməzdim”.

Xatırladaq ki, Fabreqas 2011-2014-cü illər aralığında “Barselona”nın şərəfini qoruyub.

“Barselona” - “Çelsi” oyunu martın 14-də keçiriləcək. Bu komandalar arasında Londonda baş tutmuş ilk matç 1:1 hesablı bərabərliklə nəticələnib.