Macarıstanın paytaxtı Budapeşt şəhərində güləş üzrə Avropa çempionatı davam edir.

Offsideplus.az xəbər verir ki, 86 kq. çəkidə yarışan dağıstanlı milliləşdirilmiş idmançımız Abubakr Abakarov bu gün final görüşünə çıxıb. O, həlledici görüşdə San Marino təmsilçisi Miles Nazim Aminlə mübarizə aparıb. İdmançımız 5:9 hesabı ilə uduzaraq, ikinci yeri tutub.

Turan Bayramov (74 kq.) bürünc medal görüşünə çıxıb. Rumıniya təmsilçisi Zurab Kaprayevlə üz-üzə gəlib. Rəqibini 2:1 hesabı ilə məğlub edən Bayramov Avropa üçüncülüyünü qazanıb.

Osman Nurməhəmmədov (92 kq.) isə bürünc medal uğrunda görüşə çıxacaq.

Xatırladaq ki, dünən sərbəst güləşçilərimiz Məhəmmədxan Məhəmmədov (97 kq) qızıl, Əliabbas Rzazadə (57 kq), Hacı Əliyev (65 kq) və Əşrəf Aşırov (79 kq) gümüş medal qazanıb.