Mütləq Döyüş Çempionatının (UFC) amerikalı döyüşçüsü Toni Ferqüson UFC-nin iki çəki dərəcəsində keçmiş çempionu irlandiyalı Konor Makqreqor ilə döyüşmək niyyətində olduğunu bildirib.

Offsideplus.az xəbər verir ki, T.Ferqüson bu barədə "Instagram” səhifəsində yazıb.
Qeyd edək ki, iyunun 7-də 31 yaşlı irlandiyalı döyüşçü öz "Twitter” səhifəsində karyerasını bitirdiyini elan edib. K.Makqreqor bundan əvvəl də iki dəfə oxşar bəyanatla çıxış edib.
UFC prezidenti Dana Uayt isə bu yaxınlarda irlandiyalı döyüşçünün rusiyalı Həbib Nurməhəmmədov - amerikalı Castin Getji qarşılaşmasının qalibi ilə döyüşə biləcəyini açıqlamışdı.
Qeyd edək ki, Konor Makqreqor UFC-nin ən məşhur döyüşçülərindən biridir. Karyerası ərzində keçiridiyi 26 döyüşdən 22-də qələbə qazanıb, 4 dəfə məğlub olub.
Otuz altı yaşlı T.Ferqüsonun aktivində isə 25 qələbə, 4 məğlubiyyət var.