"Şeffild Yunayted"in qapıçısı İvo Qrbiç karyerasını Türkiyədə davam etdirəcək.

Offsideplus.az xəbər verir ki, "Rizespor" xorvat "çərçivə" qoruyucusunu icarə əsasında heyətinə qatıb. Razılaşmaya görə, Qrbiç 1 il müddətinə "Qara dəniz" təmsilçisinin formasını geyinəcək.

Qeyd edək ki, 28 yaşlı qapıçı ötən mövsüm 2.5 milyon avroya "Atletiko"dan "Şeffild"ə transfer olunub. İngiltərə klubu ilə meydana çıxdığı 10 matçda 30 qol buraxıb.