"Mançester Yunayted" Brayan Mbemonu transfer etmək üçün "Brentford"la danışıqlara başlayıb.

Offsideplus.az xəbər verir ki, klublar arasında razılıq əldə olunsa, kamerunlu hücumçu "qırmızı şeytanlar"a keçməyə hazırdır. 

Bu barədə "Sky Sports" məlumat yayıb.

Mbemo 2019-cu ildən "Brentford"da çıxış edir. O, cari mövsüm Premyer Liqada 38 oyunda 20 qol vurub.

Qeyd edək ki, "Mançester Yunayted" artıq ilk transferini edib. "Mankunianlar" Mateus Kunyanı heyətinə qatıb.