"Mançester Yunayted"in son 40 ilin əsas liqa tarixindəki dən zəif startını götürməsindən sonra baş məşqçi Maykl Karrik üzərindəki təzyiq pik həddə çatıb.
Offsideplus.az xəbər verir ki, Old Traffordda "Tottenhem" ilə 1-1 hesablı bərabərlikdən sonra bədən dili mütəxəssisi Daren Stenton ingilis mütəxəssisin davranışlarında istefa gözləntisini göstərən kritik detallar aşkar etdiyini bildirib.
Mütəxəssisin diqqət çəkdiyi bədən dili siqnalları:
- Gərginlik və həyəcan: Stenton Karrikin alnındakı dərin qırışların ciddi narahatlıq və çarəsizlik göstəricisi olduğunu, habelə üzdəki həddindən artıq tərləmə və solğunluğun psixoloji təzyiq qarşısında "qaçış" reaksiyasını əks etdirdiyini qeyd edib.
- Göz kontaktından yayınma və dodaq sıxma: İngilis məşqçinin jurnalistlər və azarkeşlərlə birbaşa göz kontaktından qaçması, eyni zamanda dodaqlarını bərk sıxması daxili narazılığını və hisslərini gizlətmək cəhdini göstərir.
- Noyabr ayından əvvəl gediş ehtimalı: Ekspertin fikrincə, Karrikin özünəinamını itirməsi onun noyabr ayına qədər postundan ayrılacağını ehtimal etməyə əsas verir.
"Old Trafford"da tarixi krizis:
- Səbirsiz azarkeşlər: "Spurs"ün 10 nəfərlə qaldığı matçda üstünlüyü qoruya bilməyərək son dəqiqələrdə Solankenin qoluna mane ola bilməyən "Yunayted", azarkeşlər tərəfindən həm fasilədə, həm də matçın sonunda fitə basılıb.
- INEOS rəhbərliyinin mövqeyi: Bütün narazılıqlara və tarixi zəif starta baxmayaraq, klub rəhbərliyinin hələlik Karrikə dəstək verməyə və gözləmə mövqeyi tutmağa davam etdiyi bildirilir.
