Misli Premyer Liqasının XIV turunda bu gün "Sabah" "Neftçi"ni qəbul edəcək.
"Bayquşlar" bu qarşılaşmaya itkilərlə çıxacaq.
Bu barədə Offsideplus.az saytına açıqlamasında klubun mətbuat katibi Elnur Həmidov məlumat verib.
O bildirib ki, Pavol Şafranko, Zineddin Uld Xaled, Neqoş Kupusoviç, Boyan Letiç “Neftçi”yə qarşı oyunda zədə səbəbindən iştirak etməyəcək.
Cesse Sekidika və İvan Lepinitsanın oynayıb-oynamayacağı isə məlum deyil.
Qeyd edək ki, “Bank Respublika Arena”da keçiriləcək “Sabah” - “Neftçi” matçı saat 20:00-da start götürəcək.
